Temeyoktep Sarasadem – T.Ken 141: 1-10

Tsüngrem chir ka ama asenok akaba maongka tulutiba rong nung kaji sarasadem lir. Osangtajung Ken nung asenoki atener, “Aseni tesünep sentok; amajok nung timatem, kechiyong asen Tsüngrem dang sarasadema maben!”
T.Ken 141 nung Dawidi sarasademba tebur tajung noksa ka sayur. “Kibuba, ni Ne dang ajar, kü dangi kara arungma: kodang ni Ne dang jadir, kü ola nung tenarong tenjangma. Teronem ama kü sarasademba, nikongdang tetepsetba tenla ama kü teka mekangba ne madangi atudakjangma.” (t.1,2). Yihuda nunger putiri temeshi meta nung tenla sabangi orr teronem menemba totzü balaka agütsü aser iba mesükba tangari amshitsü memela. Tekülemdak sabang nungi mokozüji atudang, sarasademji Tsüngrem tsüngdangi atur ta amang. Dawid Tekülemdak mali asü; pa chuba ka liasü, putir masü. Pai iba ken züludang pa tongpang raradak ka lia zülu asütsü. Saka pai ashi, “Nikongdang tepsetba tenla ama kü teka mekangba ne madangi atudakjang. Kü sarasadem teronem ama Ne dangi atudakjang.”Sabang nung teronemji kanga kümdanga meyoktep; ibaji junga renema liasü. Yamaji asenoki asen sarasadem nung tekülem, nangzükba, mepishiba, tenüng asangba aser Pa nem bendanga agütsüba atentsüla. Tanela Temeshi-i tanela sabangji jangrudaktsüdi. Temulungjang temokong agi sarasadem tesü. Dawidi maneni ashi, “O Kibuba, kü bang madak tanüker ka yujang; kü tebangmechi kishi nükangma. Nisungtem shirnoki tai inyaker, parnok tamajung mapa nung matentsü Nai kü mulungjang tamajunglen teshidaktsü” (t.3,4). Asenoki Kibuba dang sarasademer külen asen tebangmechi aser temulungjangji temenen memena ta asenoki jangjadi.
Nai temepishiba dang masü temeyoktep sarasademer? Kodang ne mulungjang nungi nai sarasademdir, Tsüngrem tushiang aser Pa taochi asoshi Pa tenüng sangang. Ne sarasadem Tsüngrem mulungjang nung tepela agütsüba teronem süang.