Deepika Padukone aser Ranveer Singh na Yimpoksüi 10 nü kibong akümtsü

Aami 22, 2018 (Agencies): Taoba küm Virat Kohli o Anushka Sharma na kibong kümogo aser taoba ita Sonam Kapoor o Anand Ahuja na kibong küma liasü. Ibaji ajanga Bollywood nung stars tem longjema kibong akumba ya yimya ka ama küma odar.
Tang nübur ajaki Ranveer Singh aser Deepika Padukone na kibong akümtsü asoshi kanga yonga atadar aser tena ya taküm küm kibong akümtsü akok. Osangtem ajanga angazükba agi, kinunger anatsülen nungi Yimpoksüi/November 10 anogoji Ranveer aser Deepika na kibong akümtsü atema lemtetogo.
Iba kiyimba sentong ya Bangalore mesüra Italy mesüra anaprong nung agitsü ta, osangtem prokshidar.
Ranveer aser Deepika nati iba sentong anogo tetemjem ka nung aginüa liasü aser tenati Yimpoksüi 10 anogo nung kibong akümtsü hai aura katep, kechiyong iba mapang nungjiang tenaprongla pei pei wadang nung azünga alitsü, ta osang ajanga angazüker.