Osang zülurtemi Alokba dang nungi tejangja osang metetnüa asüngdanger

Osang Zülur : Taoba mapang local paper olemsabang nung shirnok o shirnok na kechi atema raratep?

Alok : AKKOR teloki asen oshi olong khar nung luted ola kanga sashia adokdak “H” ya amshidi ta sür lia liabo olong shia iba ya amshia kaket ajak nung adokba agi parnok o nübur na tsüngta küm aika raratep.

Osang Zülur : Ano iba sülenji kechi atalok?

Alok : Ken aser Laishiba kaket nung oren khar melenshi aser Engraji to Ao nung oren khar nung tai meyipzüka yur khar rarateper, saka kharbo mokorai dang liteptagi.

Osang Zülur : Tanü asünga kechi atema shir den rarateper?

Alok : February ita ya aden-dena asüker sernung tsükla wa arur “Tsüklai” ta ASLB-i sangdonger, Might is right. We have got the power, ta bilema kazüdagi. Saka iba atema nübur ajaki maginüi raratepdagi.

Osang Zülur : Onok mapa asünung tanguba aser tangashiba osangtem ajak adoktsüdi, kanga pelar.

Lilir : A.Maong Aier, Alongmen Ward, Mkg.