Phek nung World Music Day among

Phek, Aami/June 22 (TYO): Aami/June 21 nü Academy premises, Phek Town nung Elite Music Ensemble Academy, Phek-i ayongzüka “Keep the Passion of Music Alive” omen nung ajemdaker World Music Day mongogo, ta ketdangsertem osang ka ajanga metetdaktsü.
Sarasadema iba sentong tenzük aser Veta Khamo-i omen nung ajemdaker o jembia liasü; iba sülen Elite Music Academy kibur, Khriesangoyi Dozo-i tajungshi o jembi.
Elite Music Academy Ensemble-i parnok omen ken “We Are The World” aten, Young Ones telokia shilem agia ken aten aser Dove aser Nielhou nati piano piece tema liasü.
Iba anogomong sentong nung academy nung students, parnok tsüraburtem aser Phek jila nung parnok meimertem dena liasü.