Hornbill International Rock Contest atema Oct 17 nü state audition agitsü

Kohima, September 4 (TYO) : October 17 nü Hornbill International Rock contest 2015 atema State audition alitsü ta Music Task Force (MTF)-i metetdaktsü.

Iba sentongji Regional Centre of Excellence for Music and Performing Arts (RCEMPA) Jotsoma nung agitsü.

Brihostibar nikongtsütsü osangbener senden ka nung Production Head Yanren Kikon, Artist representative Khriesazo Liezietsu aser spokesperson Kethoseituo Elvis Mepfhüo nunger lia Organizing Convenor Hulie Belho-i iba osang metetdaktsü.

Nagaland adena oa alirtem asoshi audition/selection anogo tatembangji October 24 asütsü aser state adena oa aliba band temi hircnagaland@gmail.com dangi parnok indang live performance mail yoktsüla, ta tayongertemi ashi.

Iba tetoktepba nung adentsü jangrartemi www.skygroup.org.in mesüra www.facebook.com/hmfirc mesüra contact 9615170264/ 8730010898 nungertem ajanga tongteprateptsü akok.

Osang tejangja metetnürtemi Vüto motor near secretariat road Kohima nungi osang agiteptsü akok, ta tayongertemisa ashi.

Taküm Hornbill Music festival ji December 1 nungi 7 tashi IG Stadium nung alitsü aser December 2 aser 7 nung Sweden nungi Arrival – ABBA’s official tribute band aser Germany nungi Helloween nungertemi shilem agitsü.

Anosa, taküm Hornbill International Rock contest nung MTV Indies-i associate partner ama yariteptsü aser live telecast sayutsü, ta tayongertemisa metetdaktsü.