Rome Film Festival nung Sigourney Weaver adentsü

Aami 28, 2018 (Agencies): 13buba Rome Film Festival sentong nung actress Sigourney Weaver adentsü. Osangtem ajanga anjazükba agi, taoba sci-fi ‘Alien’ franchise nung tongti shilem agila Sigourney-i iba Film Festival nung ‘Close Encounter session’ sentong ka nung lai shilem agitsü aser iba mapang lai la indang career aser acting skills tem lemsateptsü.
Rome Film Festival nung ‘Wolf of the Wall Street’ film director, Martin Scorsese-i lifetime achievement award agizüktsü aser Sigourney den külemi pai iba olemtep sentong (Close encounter Session) nung shilem agitsü. Kasa sentong nungsa award angusang director, Giuseppe Tornatore-i Sigourney o Martin na den densemtsü aser pai noir genre, literature aser cinema tanga indang jembitsü.
Iba sentong nung director Paolo Virzi indang ‘Notti Magiche ‘ film (1990 Rome World Cup asayamung otsü) present asütsü.