Android Go Smartphone Spice F311 India nung sayaogo

Aami/June 28, 2018 (Agencies): China nung amendaker aliba Transsion Holdings aser domestic company Spice Mobility na senteper Rasemnü sen 5,999 agi “F311” smartphone India nung sayaogo.
Iba device nung operating system-ji Android Oreo “Go Edition” asütsü. “F311” smartphone nung 5.45-inch screen, full screen display den aspect ratio 18:9 keta aliba angutsü. Iba phone nung tesülen 5MP camera ka den autofocus (AF) aser tejaklen 5MP selfie camera ka den flash keta lir. Maneni “F311” nung social share key aser on-the-go (OTG) dena support asütsü.
“Onoki device jenjang tajungtiba nung yanglur agütsütsü nükjidong nung MediaTek aser Android Oreo ‘Go edition’ atema Google den longjemogo,” ta Deputy General Manager, Marketing, Spice Devices, Pankaj Madaan-i sangdong ka ajanga metetdaktsü.
Handset tasemba nung multi-functional fingerprint sensor ka keta aliba ajanga iba phone amshirtemi noksa tangoktettsü, call record aser langzütettsü, application tem karakara lapoka amshitettsü.
“F311” nung ano face detection, smile detection aser beauty mode nunger amala feature tem keta aliba angutsü. Dual-SIM amshitetba budget phone nung ya 64 bit quad-core processor ka ajanga tashi agütsütsü.
Iba phone nung 1GB RAM aser 16GB internal memory keta lir koba 32GB tashi atsülanga amshitettsü. “F311” nung nung battery tashiji 2400mAh asütsü.