CHAMAN Project indang workshop sentong ka agiogo

Dimapur, Aami 28 (TYO): Nagaland Science & Technology Council (NASTEC) den longjemer Department of Horticulture ajanga Directorate of Horticulture, Kohima nung Aami/June 25, 2018 nü Coordinated Horticulture Assessment Management (CHAMAN) indang workshop ka ayongzüka agi. Iba workshop nung district ajunga nungi ketdangsertem arua aden.
Iba sentong nung shisalen sayur ya Northeast Space Application Centre (NESAC) nungi Chandan Goswami, Sci./Engr. ‘SF’ liasü aser pai CHAMAN project tem indang ostü aser North East region nung iba project inyakba indang lemsatep.
B.K. Handique, Sci./Engr. ‘SD'(NESAC)-ia iba sentong nung PowerPoint presentation agütsü aser Geoinformatics, Horticultural Development Studies amala onüktem nungi jembia liasü.
Nagaland Science & Technology Centre (NASTEC), nungi shisalen sayur, Ditho Katiry, Scientist ‘C’-ia CHAMAN tangateba indang jembi aser Nagaland nung iba maparen inyakba indang jembia liasü.
Thsope Medo, SRF, (NASTEC)-i Technical guidelines aser methodology indang jembi aser Dimapur district nung jero (pineapple) tsünütettsüba tesemtem lemsatepa liasü.
CHAMAN Project mezüng shilem ya Dimapur district nung jero atema amshi. Taruba shilem nung CHAMAN Project ya Wokha district nung tasen aketba süngjanglijang tsünütsü aser iba sülen tanüngba district tem nung inyakyonga aotsü.
Iba workshop ya tenzükdang Horticulture indang Deputy Director, Mishento Ghap-i tarur pela agizük aser Dr. R. Elithung Lotha, Director & Mission Director of Horticulture-ia jembia liasü.