Entrepreneurs Associates’-i Entrepreneurship Trainees nem FOME loan agüstü

Dimapur, Aami 28 (TYO): Nagaland nung mapa mangur lanur timba küma renlokba aser tekolok techira lanur aika senotsü teyari nüngdaker ta meteta, Entrepreneurs Associates ajanga FOME (Feast of Merit) Award tenzük. Iba sentong ya Naga nunger sobaliba nung rongsen lemsatepa benjong ayongba nungi agizüka tenzük. Iba award ya tetemlok melie sen lakh 1 tashi aputsür aser maneni lenmang sayua teka amtepa yarir.
Tawa tembangba 10buba Wave of the Basic Entrepreneurial Skills Training (BEST) nung training agir pezü nem sen aputsü; Sweyiekul Khatso (sen 1,00,000), Hanchio Longse Shio (sen 65,000), Peshum Shiu (sen 50,000) aser Zavikiebi (sen 50,000). FOMW Award ya SBI Kohima indang General Manager, Hepuni Bismark-i Aami/June 28, 2018 nü BEST indang outgoing batch atema Commencement Day nung agüstü.
Red Cross Conference Hall, Kohima nung iba sentong agidang, Bismark-i business houses temi account kaket aser bank den sendaktepba indang document tem shidak amshitsü ajungshi aser meranga inyaktsü ayongzük.
Nisung ka ket nung rongsen alidang pa mesüra lai nüburtem den iba rongsen lemsateptsü, ta tangatetba nung Entrepreneurs Associates (EA)-i Feast of Merit Entrepreneurs (FOMEs) tenzüktsü jangrar. Anungji FOME ya nisung kati takok anguba ajanga lokti tejakleni anir aotsü asohsi FOME ya entrepreneurs ka lir.
Entrepreneurship nung küm ter dak tali inyaka aruba sülen EA ajanga entrepreneurs ya The Nagaland state EATACOL (Entrepreneurs Associates Thrift and Credit Cooperatives Federation Ltd.) aser GSL (Ganpati Stock Limited) den finance wing ajanga sendakteptsür.