Modern healthcare atema Centre-i kiojen yanglutsü meranger: PM Modi

New Delhi, Aami/June 29 (Agencies): Linük nung sensaker aser middle class nüburtem ajangzüktsü mechi Centre aser state sorkar longjemer modern healthcare infrastructure yanglutsü meranger, ta Ato Kilonser, Narendra Modi-i Rogonü ashi.
AIIMS nung National Centre for Ageing atema lung azünga yutsüba sülen jembidang Modi-i, tesüiba küm pezü tsüngda Centre-i nüburtem nem modern healthcare agütsütsü mechi health sector nung tali temulung agütsü, ta ashi.
“State sorkar den külemi Centre-i linük nung tesem ajungalen modern healthcare atema kiojen yanglutsü meranger,” ta pai ashi.
“Sorkari tongti shilem agiba ajanga sensaker nem healthcare tajung agütsütsü jenjang kati odar aser iba ajanga healthcare tsütsü nüngdak maliba nung sen meindoktsü,” ta Modi-i ashi.
AIIMS nung iba sentong agiba mapang Ato Kilonser-i Safdarjung Hospital nunga 555-bed Super Speciality Block semzüktsü.
Paisa AIIMS nung 300-bed Power Grid Vishram Sadan lapoktsü aser iba den külemi AIIMS, Ansari Nagar aser Trauma Centre sendaktepa gari jajatsü longpok ka lapoktsü.