State Angh, PB Acharya-i Dimapur nung NEZCC semdanga senden amen

Dimapur, Chiteni/July 02 (TYO): Tanü Nagaland Angh aser NEZCC Chairman, P. B. Acharya-i North East Zone Cultural Centre, Dimapur semdangogo, ta tanü ketdangsertem sangdong ka ajanga metetdaktsü.
State nung Central sorkar indang Flagship Welfare Schemes Programme balala inyakba dak sendakba nung Outreach Programme metetdaktsütsü aser o lemteptsü atema Angh-i melungtet telok balala, Artistes aser ketdangsertem jaoka liasü.
Iba sentong nung melungtet teloktem, temelungertem, Artistes aser sorkar ketdangsertem dena liasü, ta kasa osang ajanga metetdaktsü.