Takok Anguba

~ Mrs. Meyisongla.

Takok angobaji tamakok kodanga manguba dang ajar masü. Iba tetenzüji nükjidong atongba dang ajar. Eg. Rara nung takok angupah. Saka tongpang ajak akokpaboh masü :- Edwin C Bliss.
NISUNG TAKÜM
Nisung aikati takümji odang alir. Tiai kechi bener arudir aji dang akir alir. Ano karbo takok tiaji odang angur meranga inyaka temtem jenti agirang anguba temoatsü masü. Eg. Takar nisung ka asü. Pa rongsenji senmanger eg. Pa adianu ka dangi ao. Ali tulu aika kiochen aser senti rongsen aika. Senmang ajanga angu. Saka meimchir aika taküm tepiyong timtem aika akia mapa inyaker, saka tamakok dang alur aser tejashi nung tang takümji lia süitemer. Meimchirtem takümji yamaji lir.
Nükjidong kejah mali aser mapa meranga inyaktsü mejangrar atemabo takokji kodanga mangutsü. Kechiyong taküm nung yimchiyimjunga aser manüng moshii alitsü atema asentzü sena mapa meranga inyaktsü tim.
TEPELEMPA : TAPU ANA LIR
Nisunger tebelemba ya tapu ana lir.
1) Tebilemba tajong (Building a positive attitude)
2) Tebilemba tamajung (Building a negative attitude)
LIBALIRO TASHI :-
Nisung kati balloons dang yoka par kibong mesüa alir. Pai balloonji sentsü tapu aika eg. Temerem, temesüng, tenenya (yellow), blue, green etc.
Item sentsü tabu balalaji ngua tanurtemi pa indang balloonji alir. Saka kodang balloonji alir marulir, pai balloon sentsü balalaji aika alenteper anüngleni yoker, tanurtemi ano raktepa pa balloon alia arur. Kenübo tebur chanu telakati arua pa dang yamai asüngdang. Obu nai balloonji tanak anüngleni yok nunga anüngleni atutsü asü matutsü ta pa dang asüngdang. Iba tasüngdangba yagi tampusang molung nung kanga kongshi. Tampusangi tanemi tanuposang dang langzü. Balloonji sentsü dak aket masü saka balloon telunglen mopung alibajagi anüngleni yima tudaktsür ta ashi.
William James, Harvard University nung inyaker, pai ashiba, meimchirtemi parnok libaliro yimya melenshtsü akok. Parnok tebelemba tajungleni melenshitetra ibaji shidakba takok angutsü lemang shidakbaji lir ta ashir.
Harvard University nung ngutetpa, nisung ka kodang mapa tajung ka ngudir mesüra mapa nung Promotion ngudir pa dak positive attitude 85% kuta lir ta ashir. 15% -ji pa kolok ajungba aser jeraperahba agi angur ta shia lir. Shirnok dak tanula tajung (positive attitude) lider parnokji dang lokti nung taneshir mendenji angur. Shirnok tanüla tamajung (Negative attitude) lir parnok nubur madak tanishir akümtsü makok. Tebilemba tajong alir tanurtemi küm shia takok tajong angur.