Salah, Liverpool den tezüngzüktepba tasen ka yangluogo

Chiteni/July 2, 2018 (Agencies): Liverpool forward Mohamed Salah-i Tentonü club nungi küm talangka asayatsü asoshi tezüngzüktepba tasen ka yangluogo.
Salah Liverpool nungi mezüngbuba season kanga takok ngua asayaogo. Pai iba season nung club atema goal 44 idaktsü aser Champions League final tonga club ani. Pa nem PFA Players’ Player of the Year aser Football Writers’ Association’s Footballer of the Year award agütsü.
“Iba osang ya kechi ataloktsü ali aji atakokba ka ami ni bilemer. Taoba season nung club aser team asoshi shilem tajung agiba atema tetushi agütsüogo,” ta manager Juergen Klopp-i ashi.
“Maneni iba ajanga pai Liverpool dak tamang akaba aser onoki pa dak tamang akaba sayur. Taoba season onok atema kanga special liasü, saka onoki ano tali aginer,” ta paisa ashi.
Arishi küm 26 tain asayar yagi Premier League nung goal 32 tashi idakja liasü aser iba ajanga otsü tasen ka yangluogo aser Liverpool pur EPL nung jenjang pezübuba tongtetba nung teyari agüja liasü.