NPF toktsür Congress dangi meyiper

Dimapur, Chiteni/July 03 (TYO): Taoba mapang NPF nung CEC aser DAC züngsem, Shanglow Bangloi, Congress dangi meyipogo, ta NPCC Media Cell ajanga sangdong ka nung metetdaktsü.
Küm 40 dak tali yimten yimsüsüba nung tetsüng ajemoka arur aser teintet rogo ka ama Congress party nung dang asen state tarutsü teimla angur, ta Bangloi-ia iba sangdong nung shisema lir.
Congress-i kechi inyakogo, aji linük aser state nung lir aser Congress indang tangatetba aser Principle of Secularism aser kin aika süaka telongjem aliba ajanga dang tarutsü nunga yimjung aser terenlok agütsütsü ta ni amanger, ta paisa shisema lir.
Anungji Congress Tir, Rahul Gandhi teka nung tashi itshitsü aser state nung nüburtem tenzüktsü nükjidong nung ni Congress nung adentsü lemtetogo, ta Shanglow Bangloi-isa sangdong nung shia lir.