Shamshera film 2020 Chiteni nung sayatsü

Chiteni/July 4, 2018 (Agencies): Rajkumar Hirani indang film Sanju nung Sanjay Dutt indang shilem kanga junga agiba ajaki tushiba sülen Ranbir Kapoor tang Yash Raj Films’ Shamshera nung nüburtemi kodanga mongudangba avatar ka ajanga jangratemdaktsütsü asoshi renema lir.
Iba film nung silem agiba team ajanga tawa sangdong ka nung iba film sayatsüba anogo sangdonga liasü. Iba film ya Agneepath film direct asüsang director Karan Malhotra-i direct asütsü. Shamshera film ya Chiteni/July 31, 2020 nü sayatsü renema lir. Jangratemtsükaji iba film nung Ranbir aser Sanjay na külemi shilem agiba angutsü, shibai film nung villain tesashi ka indang shilem agiba angutsü.
Maneni iba film nung Vaani Kapoor-i temptress ka ama Ranbir den külemi shilem agiba angutsü. Iba film densema Vaani YRF den külemi film asembuba nung shilem agitsü lir. Shuddh Desi Romance aser Befikre sülen tang mezüngbuba la Ranbir den külemi shilem agitsü.
Iba film ya Aditya Chopra-i produce asütsü aser film nung Ranbir-i auer ka shilem agiba angutsü. Taoba mapang nung studio ajanga Twitter nung film indang teaser ka sayuogo aser iba nung Ranbir indang terprangtsü ajaki jangja nguogo, kong pa film nung shilem den kanga peta auer ka ama adoker.
Bachna Ae Haseeno aser Rocket Singh: Salesman of the Year film sülen iba film ya Ranbir atema YRF films den külemi shilem agiba film tasembuba asütsü. Ranbir tang Ayan Mukerji indang film Brahmastra nung Alia Bhatt den külemi shilem tagidak lir.