‘Kai Po Che’ sülen ita trok atema kü nem mapa magütsü: Amit Sadh

Chiteni 4, 2018 (Agencies): Actor Amit Sadh-i film tem nung shilem agitsü atema telemtetba agiba mapang nungbo nüburtemi pa ya television nung nguadogo. 2010 küm sayaba bollywood film Phoonk 2 nung Amit-i mezüngbuba shilem agir sülen 2013 küm takok tulu anguba film ‘Kai Po Che’ nung pai shilem agia liasü.
Kai Po Che film nung Amit, Sushant Singh Rajput aser Rajkummar Rao nungeri shilem agiba ajaki jangjaa lir. Iba film ajanga par asem taküm nung temelenshiba tulu bener aruja liasü. Ajisüaka, iba film sayaar sülen Amit career tsütsü jangratemtsükabo ataloka mali.
“Kai Po Che film nung shilem agir sülen ita trok atema kü nem maongka kecha magütsü, saka nüburtemi iba ya mamanger. Iba ya kechi koda sur atalok, aji ni kecha shi shia bilema mali. Aji kü khuret masü. Kü tebilemtsü jibo, ki para mapang shitak nung agütsütsüba, kü indang azü asem prongla nem chiyongtsü aser aküm tajungtiba agütsütsü aser mapang shitak nung kü den teyariteper nem ita sen agütsütsübaji dang liasü,” ta 2016 film Sultan nung shilem agisang, Amit-i ashi.
Acting tsütsü, Akshay Kumar den külemi Amit-i taruba ‘Gold’ film nung shilem agiba angutsü. Tawa ‘Gold’ trailer sayaba ajanga nübur aser critics temi telangzüba tajung agütsüba ajanga Amit kanga pelaa liasü. “Ni pelaba ya nenoki memetet. Kü dak aketba sempet yari ni tajungtiba agi shilem agiogo….Iba ya kü atema tetenzük dang ta ni metetta lir,” ta Amit-i ashi.