Agri Director-i newsletter saya

Kohima, Chiteni/July 04 (TYO): Directorate’s Office chamber nung ATMA Zunheboto District indang Kisan Kalyan Karyashala newsletter volume 1, 3rd issue sayaogo, ta tanü ketdangsertem osang ka ajanga metetdaktsü.
Director of Agriculture, Ikuto Zhimo-i newsletter ji sayatsü aser iba sentong nung Viliehu Nguzhu, Additional Director & HoD (Soil & Water Conservation)-a densema liasü.
Sentong nung jembidang Director of Agriculture, Ikuto Zhimomi-i, 1960s mapang Nagaland nung aluyimertemi mono cropping benshi, ajisüaka Agriculture aser allied departments-i tiyongtsü aita inyakba ajanga tangbo aluyimertemi mixed cropping benshia tajangzük kanga ngudar, ta metetdaktsü.
Director-isa, documentation ji block level nungdang masü saka state level nunga inyaktsüla ta ashi.
Kasa sentong nung ATMA functionaries ajungshia Vielichu Nguzhu-i ATMA nung inyakertem dang pei mapa nendaka inyaktsü aser metetnüba shisatsü lia pei mapa inyaktsü metetdaktsü.
Iba sentong ya Avitoli Yeptho Deputy PD ATMA, Zunheboto leniba nung agi aser PD ATMA, Zunheboto, K. Khekiho Shohe-i okila jembia liasü.
Iba sentong nung Agriculture aser Soil & Water Conservation nungi tongti ketdangsertem aser ATMA Zunheboto nungi ketdangsertem dena liasü.