AR-i K.A.L Group nem tenla agutsü

Dimapur, Chiteni/July 05 (TYO): Tanü 32 Assam Rifles, Firing Range, Dimapur-i Vidya Vistar Nagaland aser K.A.L. Group nem stationery & learning tenla agutsü, ta Vidya Vistar, Nagaland-i sangdong ka nung metetdaktsü.
Vidya Vistar ya Dimapur nung amenoka aliba law firm telok, K.A.L. Group indang literacy program ka lir, aser parnoki Sophia Foundation den senteper inyaker.
Iba literacy program ya meshimjung kibongtem nungi tanurtem nem katsür, aser mezüngbuba sentongji Valley View Colony, Dimapur nung ayongzüka kaogo.
Vidya Vistar nungi temelungertemi hopta shia anogo asemnü nikongdang asemben class katsür aser tang iba class nung arishi küm 4 nungi arishi küm 14 tsüngdapur tanur 42 shi dendar, ta kasa osang ajanga metetdaktsü.