Assam nung sorkar college ajak UGC pay scale kübok aittsü

Guwahati, Chiteni (July) 27 (Agencies): Rogonü (Hokolbar) Assam finance minister Himanta Biswa Sarma-i higher education teayurtem indang pay scale meyipa reprangshiba osang metetdaktsü.
Assam kübok tesem balala nung tesayurtemi lungkak aitba, karibo pei sasa soseta asütsü merangba osangtem lia Sarma-i iba osang metetdaktsü.
Bharatiya Janata Party-i aniba state sorkari 2016 Assam Assembly election matongdang nangzükba mapa küma inyakogo. UGC revised pay scale mapa akümba ajanga onoki nangzükba ama inyakogo, ta paisa ashi.
“UGC revised pay scale ajanga Assam nung Government degree colleges, provincialized colleges aser universities nung tesayur 8,800 shi ajangzüktsü. Iba ya April 1, 2016 nungi tenzüktsü aser taküm atema budget nung sen crore 166 enokogo aser arrear liability ji sen crore 476 asütsü” ta Sarma-isa shisem.
Paisa ashiba agi revised pay scale kübok engineering colleges, medical colleges, polytechnic colleges, ayurvedic colleges, dental colleges, nursing colleges aser pharmaceutical institutions ajak dendaktsütsü.
“Directorate of Technical Education kübok tesayurtem atema arrear liability ji sen crore 27 aser Directorate of Medical Education kübok tesayurtem atema sen crore 58 asütsü” ta Sarma-isa metetdaktsü.
Medical Colleges nungi tesayur 1800 shi aser Engineering Colleges tesayur 100 shi ka UGC revised pay scale kübok tajangzük angutsü, ta paisa shisem.
“Durga Puja benjung matongdang onoki sen angutsü imlar” ta Assam Finance Minister-isa ashi.