GIA/SFA kübok Tractors agutsütsü

Kohima, Chiteni/July 27 (TYO): Chiteni 30, 2018 nü Agri Expo, Dimapur nung Nagaland Chief Minister, Neiphiu Rio-i GIA/SFA kübok Local Rural Bodies nem Tractors aser Implements agutsütsü, ta ketdangsertem osang ka ajanga metetdaktsü.
Iba dak sendakba nung Rural Development Department Director-i beneficiaries ajak aser District 11 nungi Best VDB Award 2017 angur ajaki iba anogo anepdang 9:00 ako nungbo sentong agitsü tesem tonga arutsüla, ta metetdaktsü.
Iba dak alia Dimapur District kübok VDB secretaries aser Village Council Chairman ajak dang züngsem asemsem densema iba sentong nung adentsü mepishia metetdaktsü.