EA-i tetsür yokshiyokyar jenjang ajungkettsütsü mapatong ka Mkg nung tenzüker

Mokokchung, Chiteni/July 27 (TYO): Lenmang nung yoshiyokyar tetsürtem jenjang ajungkettsütsü nükjidong yur Entreprenuers Associates-i Mokokchung district atema ‘uplifting women street vendors’: Mokokchung Chapter ta sür EA pur mapatong tenzükba sentong ka yangi Ongpangkong Salang Arkong Ward Mokokchung nung kaogo.
Taoba mapang nungi EA-i Nagaland tesem balala nung tetsür yokshiyokyartem atema shisatokden balala katsüyonga arudar. Parnok nem senotsü teyari anguba lenmangtem, anema aliba, legal services, lokti ajangzüktsü atema inyakyim balala den tanglen yoktettsüsa sentakteptsü lenmang sayua arur. Aji oda, Mokokchung district nunga iba kasa mapaji inyaktsü EA tejangraba lir, ta EA ketdangsür kati ashi.
India sorkari lenmang nung aonsotsü ayokertem timtem majurui sademsadema ayoktsü asoshi temeten agüja kar, aji saka, Nagaland sorkari ibaji mapa küma meinyaki lir, anungji, iba temeten asoshi state sorkar den tekaratiba nung jembia itemji khangzüktsüla, ta shisalen sayur kati ashi.
EA nungi shisalen sayur; Lanuangla Tzüdir, Neikule Doulo, Moaren aser Neichute Doulo parnoki onük balala nung ajemdaker tagitsü o aika lemsatepba den sensaksemba mapanga balaka agia liasü. Sentong nung yimtsüng 15 nungi yokshiyokyar tetsürtem aika adenshia shilem agia aden.