ANCSU 39buba Foundation Day amongtsü

Kohima, Chiteni/July 30 (TYO): All Nagaland College Students’ Union (ANCSU)-i 39buba Foundation Day den külemi Degree Toppers nem tetushi agutsüba sentong repsema Luroi/August 2, 2018 anüngdang 11:00 ako nungi Ura Academy Hall, Kohima nung ayongzüka amongtsü.
Iba dak sendakba nung ANCSU-i lenir taintem aser temeimer ajak iba sentong nung adentsü jaoker, ta ANCSU tongti tezülur, Vimeyiekho Vitso-i tanü sangdong ka ajanga metetdaktsü.
Tamalen sangdonga aliba ama ANCSU nung affiliate süa aliba college tem aser tejaoker kaketshirtem ajak iba sentong nung medema adentsü jaokba ano nenshia metetdaktsür, ta sangdong nung shia lir.
Iba anogo nung Union-i tawa sangdongba Nagaland University, SCTE aser Autonomous college degree result nung subject toppers nisung 54 nem tetushi agutsütsü.
Iba sentong nung tetushi tejaokerji Director Higher Education, Govt. of Nagaland, Kuholi Chishi asütsü aser Secretary General NPMHR & ANCSU tenteter züngsem, Neingulo Krome-i tayongzükba o jembitsü.