Dimapur nung “border passport control unit/ILP unit” lapoktsüla: NCD

Dimapur, Chiteni (July) 30 (TYO): National Register of Citizens (NRC) indang final draft metetdaktsüba dak sendakba nung Chiteni (July) 30, 2018 nü Naga Council Dimapur (NCD) rongdak executive senden ka ayonga amen.
Senden nung adenertemi state sorkar dang Dimapur nunga tangsa tang inner line permit (ILP) mapa tenzüktsü atema ayongzüktsü lemtet.
Parnokisa Dimapur railway station, Nagaland gate (Golaghat road, Dillai gate), Dimapur Airport aser tanga nüngdakba tesemtem nung tekaratiba nung “border passport control unit/ILP unit” lapoktsü atema sorkar dang ashitsü lemtet.
Control unit nung modern detection system/equipments aser infrastructure alitsüla aser sen yong Naga maitsü yoka mechii, kümzüka aser wazüka ayutsü atema police den tashitemetertemi akangakanga unit tem ketdangsüa reprangdaktsütsüla ta NCD-isa metetdaktsü.