Sharif temang tajungba; ano reprangshitsü

Islamabad, Chiteni 31 (Agencies) : Pakistan nung taoba Ato Kilonser, Nawaz Sharif temang tajungba kümdar, ta tanü Sangtennü Pakistan Institute of Medical Sciences ajanga metetdaktsüogo.
Ochimashiba atema tang pa puoka aliba Adiala jail bushia mozükidang nungi meyipa anir aoba olulu kar prokshibaji tiyazü ta doctor-temi metetdaktsüba sülen tang ibaji jangjaogo. Parnokisa ashiba agi, taonung tesü ano azü tendangtsü.
Sharif dak shini, blood pressure aser ECG tendangba resultji jungrarabo masü anungji ano tajungba reprangshitsüsa akümer, ta Geo News ajanga metetdaktsü.
PIMS nung Head of Cardiology Dr Naeem Malik den ano pa den külem ser inyakba par asem külemi longjemer Sharif’ temang reprangshitsü.
Pa temang koma südir ibaji jangjar külenang Sharif Adiala jail bushia bener aotsü atemaji lemtettsü.
Pa temang kanga junga reprangba sülen aruya aliba anogotem nung iba reportji ketdangsertem ket nung agütsütsü.
Chiteni/July 29 nü sorkari ozüng agütsüba nung ajemdaker Nawaz Sharif ya Adiala Jail nungi PIMS cardiac ward bushia bener aru.