Mapa aser tenzükba

Anungji, adianutem, nenoki pei mang taküm tenla ka, temeshi aser Tsüngremi agizüktettsüsa tenlaang ta ni Tsüngrem yimlibilem agi nenok jungshir. Ibaji nenok tanela tekülemba lir. Rom 12:1.
“Ibai kü temang. Iba nung ni kechi inyakner aji inyaktsü akok. Ni achitsü, ajemtsü, tanur raksaa endoktsü, mozü achitsü, moku achitsü!” Iba ama jembiba O nai angashia lir ma? Tanü putu tangatetbaji ibai ir.
Saka Tsüngremibo balaka sayur. Asenok temang taküm aliba tenla ka ama agüjang ta Pai ashir. Asenoki asen temang Tsüngrem nem koda agütsütsü? Temang kaji asenoki asen temangji anepalutsüla aser meraksatsüla. Ano temang kaji asen tashi, temetetba aser asenok sempet amshiba ajanga Tsüngrem aser tangar tenzüktsüla.
Ne teka agi chiyongtsü renema tangar nem agütsütsü akok. Ne mapang agi yaritsü akok. Ne tashi agi teyari nüngdaka alirtem yaritsü akok. Asenoki Tsüngrem aser tangar tenzüktsüba mapa tanen maka lir. Tenzüktsü Khristai, asenok nungi imlar. Pa-a tenzükdaktsütsü masü saka tenzüktsü aru (Mtt. 20:28).
Yisui Pa temang asenok asoshi temeshi aser taküm aliba tenla ka ama agütsü. Ibaji tematiba tenla lir. Asen temangji asenok amshinütsü amshitsü asen meyong masü. Khrista temang amaji asenok temangji tenzüktsü asoshi hatiar lir.
Yisu, onok temang, Na aser tangar tenzükba nung amshitsü yariang; Ne tenüng nung. Amen.