Taruba project ka atema Ben Affleck o Matt Damon na longjemer

Luroi/August 03 (Agencies): Nüngtugu Hollywood star Ben Affleck aser Matt Damon nati taruba movie ka atema longjemtsü ternemba lir. Iba movie ya crime novel “How an Ex-Cop Rigged McDonald’s Monopoly Game and Stole Millions” otsü nung ajemdaker yanglutsü.
Variety ajanga osang angazükba agi, taruba crime movie nung Affleck-i director role aser Matt Damon-i acting tsütsü shilem agitsü.
Iba movie ya Jeff Maysh indang true-crime story nung ajemdaker yanglutsü ta, tawa American news website ka ajanga sangdonga liasü.
Jangratemtsükaji, iba movie ya Damon aser Affleck naprongi producer asütsü. Superhero flick ‘Deadpool’ otsü zülurtem Paul Wernick aser Rhett Reese nem film script züludaktsütsü atema aniokogo.
Film otsü angadangra, McDonalds nung nisung ka tenüng agi Michael Hoover-i Monopoly pieces tem bendenba sülen senpet sempet USD million 1 anguba indang asütsü.
Acting tsütsü Affleck-i Netflix indang political thriller ‘The Last Thing He Wanted’ nung shilem agiba angutsü aser Damon-i taruba racing movie ‘Ford vs. Ferrari’ nung car designer Carroll Shelby indang role agiba angutsü.