NFHRCC-i Chief Minister den ajurutep

Dimapur, Luroi (August) 4 (TYO): Luroi (August) 4, 2018 nü Nagaland Foothills Road Coordination Committee (NFHRCC)-i Chief Minister Neiphiu Rio den ajurutepa senden ka amen.
Senden nung NFHRCC-i Rio dang Foothills Road inyaka aruba osang lemsatep aser Niuland o Naganimora nung uncut portion atema sen crore 11.5 teyari meshi.
Naga nunger taginüba angateta Chief Minister-i Committee dang tzüngluruwa tembangba sülen iba lenmang indang mapa tenzüka inyaktsü ta nangzük.
Chiteni (July) 9, 2018 nü Doyang Bridge Contractor Pukatu-ia NFHRCC dang tzüngluruwa tembangba sülen mapa tenzüktsü ta shia liasü.
Chief Minister Neiphiu Rio-i Naga nunger public taginüba angatetba aser tebilemtsü abenba atema kanga pelar ta NFHRCC Convenor, Supu Jamir aser Asst. Gen. Secy. W. Lemba Chang nati sangdong ka nung ashi.