Shillong Airport meketa aliba yimtsüngtem nung metsümeshidak yanglutsütsü

Shillong, Luroi (August) 15 (Agencies): Airports Authority of India (AAI)-i Meghalaya sorkar den memorandum of agreement (MOA) ka agiba nung Shillong Airport meketa aliba yimtsüngtem nung metsümeshidak yanglutsütsü nangzükogo.
Umroi nung aliba Shillong Airport meketa aliba yimtsüngtem nung AAI-i kibong shia household latrines yanglutsütsü.
MOA ji AAI indang social responsibility programme kübok Ri Bhoi Deputy Commissioner, Rosetta Mary Kurbah aser Shillong Airport director, Manoj Kumar Nayak nungertem lia sign sütep.
Iba mapatong ajanga Umden Akra, Umden Mission, Umden Umsatprah, Nongrah (Lumsiehlama), Nongrah (lew Umroi) aser Umktieh Nongshiliang yimtsüngtem amshitsü.
Iba mapatong nung sen lakh 92 endoktsü aser küm ka tsüngda tembangtsü ta osang ka ajanga ashi.
AAI-i Aami (June) 20, 2018 nü Meghalaya sorkar densa tanga tenangzüktep ka agiba nung CSR programme kübok Umroi tesem nung washing areas, protection wall & bathing cubicles yanglutsütsü nangzüka lir.
Iba mapatong nung sen lakh 16.34 endoktsü aser ita 10 tsüngda tembanga inyaktsü ta osang ajanga ashi.