Lok Sabha election kera agira Assembly election 4 den külemi agitettsü: EC

New Delhi, Luroi/August 15 (Agencies): Luchii/December ita nung Lok Sabha election agira (tekaraba agira) Election Commission-i state pezü nung assembly election den külemi agitettsü, ta tanü Chief Election Commissioner, OP Rawat-i metetdaktsü.
Lok Sabha election Luchii/December ita nung agira Madhya Pradesh, Chhattisgarh, Mizoram aser Rajasthan assembly election den külemi Lok Sabaha election agitettsü.
“Iba nungji kecha timtem mali,” ta Rawat-i metetdaktsü.
Lok Sabha elections ya sangküm Rongchii/April-Monupii/May ita nung agitsü sentong lir, ajisüaka Yimpoksüi/November-Luchii/December 2018 ita nung agira Madhya Pradesh, Chhattisgarh, Mizoram aser Rajasthan assembly elections den külemi agitettsü.
Mizoram Assembly kümsük December 15 nü tembangtsü, Chhattisgarh assembly kümsük January 5, 2019 nung, Madhya Pradesh assembly kümsük January 7, 2019 aser Rajasthan assembly kümsük January 20, 2019 nü tembangtsü.
December ita nung Lok Sabha election agira electronic voting machines (EVMs) aser paper trail machines renema alitsü asü? ta asüngdangba langzüdang CEC-i, nüngdakba EVMs ajakji September tatembanglen tashi nungbo angutsü, aser paper trail machines ji November tatembanglen tashi nungbo angutsü, ta ashi.
CEC-isa, paper trail machines lakh 17.5 nungi lakh 16 bo November ita matongdang angutsü, ta ashi.
Tanüngba paper trail mesüra voter verifiable paper audit trail (VVPAT) machines lakh 1.5 ji November ita tatembanglen tashi nungbo angutsü, ta paisa ashi.