Secretariat Plaza nung nikongtsütsü sentong akaba osang

Dimapur, Luroi/August 15 (TYO): State level Independence Day celebration 2018 nikongtsütsü sentong Secretariat Plaza Kohima nung mungogo. Iba sentong nung Development Commissioner, Sentiyanger Imchen IAS aser tongtibang ketdangsertem aika arua aden. Exhibition football match ka Secretariat United Football Club aser Kohima Veteran Club na tsüngda asayaa liasü. Iba asayaa ya Secretariat United Football Club-i goal 5-0 agi akok.
Development Commissioner, Sentiyanger Imchen, IAS-i March Past parade nung takok angurnem sempet agütsü. Armed Category kübok 15th NAP IR Mahila Battalion, Chumukedima puri mezüngbuba jenjang angu aser parnok sülen 4th NAP Battalion, Thizama tanabuba aser 9th AR Bn. (Assam Rifles) tasembuba liasü.
Un-Armed Category nung mezüngbuba jenjang No. l N/L Air Sqn, (flag) NCC, Kohima Science College puri angu aser parnok sülen tanabuba jenjang Bharat Scouts aser tasembuba Ex-Servicemen-i angu.
School Students Category nung Regimental School 4th NAP, Thizama mezüngbuba asü aser tanabuba nung Trinity School, New Reserve, Kohima aser tasembuba nung Ruzhukhrie Govt. Hr. Secondary School, Kohima liasü.
Maneni iba tetoktepba nung shilem agiba team ajak nem senpet agüja liasü. Iba sentong nung Nagaland Police Brass Band, 3rd (NH) Assam Rifles Pipe Band aser 15th (IR) Mahila Bn. Pipe Band-i shilem agi.
Temetettsükaji Secretariat United Football Club puri Independence Day exhibition football match akokba atema senpet sen 15,000 anguba Government of Nagaland, Chief Secretary ajanga Chief Minister’s Relief Fund nem agütsüogo.