Bharat tangoktsü atema Katrina Kaif Malta-i ogo

Luroi/August 17 (Agencies): Salman Khan indang taruba ‘Bharat’ film nung Bollywood star Katrina Kaif-i la shilem tangok tenzüktsü atema tanü Rogonü/Friday Malta linüki ogo.
Bharat film ya Chiteni/July nungi tangok tenzükogo aser tang Salman Khan den külemi Katrina-i la indang mezüng schedule tangok tenzükdar. Europe kübok aliba Malta asetkong nung Salman-i pa indang Bharat film tangok tenzüka liasü.
Twitter ajanga Katrina-i la indang noksa ka den Malta-i aoba osang lemsatepa liasü.
Nüngtugu actress Priyanka Chopra-i iba film nung shilem magitsü lemtetba sülen Salman den külemi tongti shilem agitsü atema Katrina aniok.
‘Bharat’ set ya mapang tensa balala indang nung ajemdaker yanglutsü. Iba den külemi film otsü dak sentakba maparen den putepa yanglutsü atema Bharat film ya Malta aser Abu Dhabi indang nüngtugu tesem tem nung, aser iba dak alia India nung Punjab aser Delhi tesem tem nung tangoktsü ternemshiba lir.
Director Ali Abbas Zafar lenisüba kübok yanglutsü aliba film nung actress Tabu aser Disha Patani nati yarisema tongti shilem agitsü. Bharat film ya taruba küm Aami/June 5, 2019 nü sayatsü atema renemdar.