Reliance JioPhone 2 ghonda ka majungdang temadok; Aug. 30 nü ayoktsü

New Delhi, Luroi/August 17 (Agencies): Reliance JioPhone 2 ayok tenzükba sülen ghonda ka majungdang temadok, aser tanabuba flash sale ji Luroi/August 30 nü alitsü.
JioPhone 2 ji online ajanga Jio.com nung Luroi 30 nü 12:00 ako nungi ayoktsü.
Reliance Jio-i angati voice calls aser data kanga dalang- JioPhone 2 sen 2,999 agi yoka mobile telephone market nung ajemokogo.
Iba phone ya horizontal screen display lir aser full keyboard lir. Keyboard ji melamela ajentsü atema QWERTY keypad lir.
Company-i ashiba agi, JioPhone customers temi Facebook, YouTube aser Google Maps amshitettsü. Company-isa kobi melii Jiophone devices nung WhatsApp inoksemtsü.
JioPhone amshirtem nem angati voice calls den JioTV, JioCinema, JioMusic aser JioChat ama applications agutsür.
Iba phone display ji inch 2.40 lir aser resolution ji 240 pixels by 320 pixels lir, iba den külemi RAM 512MB lir. Phone internal storage ji 4GB lir, aser ibaji SD card ajanga 128GB tashi ulutettsü.
Jio Phone 2 nung tesülen camera ji 2-megapixel lir aser selfies agitsü atema atejaklen camera ji 0.3-megapixel lir.
Iba phone ya KAI OS ajanga run asür aser battery power ji 2000mAh lir. Iba dak alia connectivity options rongnung Wi-Fi, Global Positioning System (GPS), Bluetooth, Near-field communication (NFC) aser frequency modulation (FM) lir.