AB Vajpayee mitsü UP nung aliba ayong ajak nung inoktsütsü

Lucknow (Uttar Pradesh), Luroi/August 17 (Agencies): Taoba mapang Ato kilonser, Atal Bihari Vajpayee indang mitsü Uttar Pradesh nung aliba ayong ajak nung inoktsütsü, ta tanü state sorkari metetdaktsü.
Item ayong rongnung Ganga, Yamuna, Tapti, Gomti, Sindhu aser Varuna densema lir.
UP sorkari sangdong ka ajanga, “Taoba Ato kilonser #AtalBihariVajpayee nem akhüm agüja pa indang mitsüji Uttar Pradesh nung aliba ayong ajunga nung inoktsütsü, item rongnung Ganga, Yamuna aser Tapti ayongtem densema lir,” ta metetdaktsü.
UP Chief Minister, Yogi Adityanath-ia, taoba Ato kilonser indang mitsüji state nung aliba temeshi ayong ajak nung inoktsütsü, ta metetdakja liasü.
Tanü nikongdang Delhi nung aliba Rashtriya Smriti Sthal nung linüki akhüm tulu agüja taoba Ato kilonser Atal Bihari Vajpayee mang rongdokogo. Iba sentong nung linük aser bendanglen nungi tongti lenirtemi anir nisung meyirjang aika densema liasü.
India nung asemben tashi Ato kilonser inyaksang aser Bharat Ratna award angusang, Vajpayee mapang talangka nungi shiranga aruba sülen yashi asü.
Arishi küm 93, Vajpayee yashi nikongdang 5:05 ako meta Delhi nung aliba (AIIMS) nung asü.