Ambrane-i wireless powerbank sayaogo

Luroi/August 18 (Agencies): PW 11 aser PW 20 ta nüngja agütsüba wireless powerbank ana Ambrane-i sayaogo. Wire keta maliba powerbank ana jenjang ya sen 1999 aser 1899 asütsü.
Iba powerbank ya Qi enabled device ajak den compatible asütsü. Wireless charging asütsü atema tamshirtemi pei indang smartphone tem powerbank tema nung amenoka ayutsüla aser 5W output power ajanga charge sutsütsü. Tajung kaji tamshirtemi pei indang device tem cable ka ajanga powerbank nung jangoker charge sutettsü.
Company-i ashiba agi, 10000mAh tashi keta aliba Li-Polymer battery ajanga power cycle 500 tashi agütsür aser device khen charge nung smartphone tem anaben nungi asemben tashi charge sütettsü. PW-11 power bank nung digital battery level display, micro-USB atema dual port aser charging atema type-C port keta aliba angutsü.
Ambrane-i ashiba agi, iba wireless power bank nung multiple chipset protection inoka yanglutsü koba ajanga security feature aser efficiency rate shilem 90% agütsür.
PW 11 aser PW 20 power bank ya retail aser ecommerce store tongtibangtem ajanga angutsü.