Imran Khan’er Party-i Tir menden atema Dr Arif Alvi shim

Islamabad, Luroi/August 18 (Agencies): Ato Kilonser Imran Khan’er party-i Küptoknü par telok nungi lenir tejen Dr Arif Alvi, Pakistan tir menden atema tokteptsü asoshi shimogo.
Pakistan Election Commission-i Yangtepnü tir menden atema election Rongjui/Sept 4 nü akatsü asoshi sangdongogo. Iba election ya tang tinyakdak tir Mamnoon Hussain küm pong term matem tsüngda anogo 5 anunga lia agitsü.
Pakistan Tehreek-e-Insaf party puri Islamic Republic of Pakistan tir menden atema Dr Arif Alvi candidate asütsü shimogo, ta party otongdar Fawad Chaudhry-i Küptoknü tweet asü.
Iba osang ya party tekolakba Imran Khan, Pakistan Ato Kilonser 22buba asütsü asoshi tenangzüktepba agiba sülen ghonda ishika lir sangdong.
Arishi küm 69 tain Alvi ya dentist ka lir aser PTI party nguteter rongnung ka lir. Pai party secretary general ka ama 2006 nungi 2013 tashi inyak.
Pa taküm Chiteni/july 25 nü National Assembly elections nung NA-247 (Karachi) menden nungi takok angu. Pai 2013 küm general election nunga takok nguogo.
Pakistan tir ya Parliament züngsem aser provincial assembly pezü nung züngsemtemi indirectly shimmer.
Iba menden atema candidate temi Luroi/August 27 tashi nung nomination file sütettsü aser candidate tem tatembangbuba list Luroi/August 30 nü sangdongtsü.
Election ya federal parliament aser provincial assembly building tem nung akatsü.
Pakistan nung tir ya federation tamaitsü ka ama züngshir aser state tekolakba ama Ato Kilonser tetuyuba nung tashi ajak amshir.
Hussain shiba 2013 küm Rongjui/Sept nung shim, pa ya taoba Ato Kilonser Nawaz Sharif-i aniba Pakistan Muslim League-Nawaz puri nominee liasü.
Par tsürapur ya India aser Pakistan na pilaba sülen Agra nungi Pakistan-i ao.