Guwahati City Police-i tanur apur ka apu

Guwahati, Luroi (August) 19 (Agencies): Amungnü (Sunday) anepdang yakta Guwahati City Police-i tanur apur ka apu aser tanur ka kümzük.
Tanurji yasüng Guwahati kübok Bamunimaidam tesem nungi pur aoba liasü.
Tanur apusangji Mumtaz Ali ta jangjaogo aser pai yasüng arishi küm 2 tain tanurji Bhaskar Nagar tesem nung apu.
Tanep 2:30 ako meta tanur kinungertemi Chandmari police station nung ken o ka benok. Iba osang angashili Chandmari police station-i Guwahati nung aliba police station ajak nung osang sangoktsü.
Mapang tatsüka lir külen Chandmari police den Jalukbari police station nungi police temi Kamakhya railway station nung tanur apusangji apu.
Mumtaz Ali-i police dang ashiba nung ajemdaker tanep 9:30 ako meta Bamunimaidam bihu field anasa tanurji nguteta kümzük.
Tanep 2:00 ako meta Bamunimaidam kübok Bhaskar Nagar tesem nung Mumtaz Ali-i tanurji tetsüi ajunger mejanga lia ajepzüka bener ao.
Iba sülen pai tanur tebu Ranjit Rawat dangi phone asü aser tanur melena sen lakh 10 meshi. Ajisüaka, Rawat-i senji magütsütettsü ta ashi aser Ali-i tanurji toktsür jena ao.
Police-i asüngdangya asüdang Ali-i item osang ajak ya metetdaktsü.
Mumtaz Ali ya Bihar nungi lir aser Guwahati nung rickshaw anishir ka lir. Pa Chandmari police station nung puoka lir.