Guwahati nung NE film indang online portal saya

Guwahati, Luroi (August) 19 (Agencies): Movietonne ta ser online portal ka Guwahati nung sayaogo. Iba portal nung Assamese aser Northeast indang regional film tem angutsü.
Movietonne-i Assamese film tasen aser tejentem sayutsü aser anogo nung taa tajembatibaji sen 40 asütsü.
Movietonne ya tang ang tetenzüker lir aser parnoki tarutsü nung regional cinemas 100 dak tema sayutsü alizüng lir.
Movietonne nung mezüng film tem sayaba rongnung- Aei Maatite, Local Kung Fu 2, Chaaknoiya, Shakira Aahibo Bokul Tolor Bihuloi, Dinabandhu, Adomya, Anuradha, Mriganabhi, Juye Poora Xoon, Samiran Barua Ahi Ase, Dikchow Banat Palaax, Jeeya Jurir Xubaax, Jajabor, Jaangfaai Joonaak aser Bokul dena lir.
Iba portal ya engineering student 6 tenzükba lir. Parnok ya Spandan Keot, Sangita Kalita, Jutika Das, Udipta Gogoi aser Gunajit Sarma nungertem lir aser parnok ajak Girijananda Institute of Management and Technology nung engineering graduates lir.
Assamese film industry tenzüker ta ajaba Jyoti Prasad Agarwala nüngtem nung parnoki iba portal saya. Movietonne ya Chitralekha Movietone nungi agizükba lir. Iba tenüng kübok Agarwala-i film tem direct asü.
Movietonne telokisa tarutsü nung Android aser iOS apps sayatsü aser short films o documentaries upload asütsü.
Movietonne online portal sayaba sentong nung Jyoti Chitraban Chairman Pabitra Margherita, designer Garima Saikia Garg, journalist Nitumani Saikia, veteran director Pulak Gogoi aser film critic Bitupon Borbora nungertem aden.