MP Kenye-i Union Minister Tomar den ajurutep

Dimapur, Luroi (August) 19 (TYO): Nagaland nungi Rajya Sabha MP aser DISHA Nagaland Chairman K. G. Kenye-i Union Minister of Rural Development Narendra Singh Tomar den ajurutep.
Tawa tu Kenye-i District Development Coordination & Monitoring Committee (DISHA) Nagaland nung Chairman mapa inyaktsü agizük aser pai Union Minister nem “Brief Report on Nationwide DISHA Week” indang osang agütsü.
Iba sentong ya Nagaland State level aser District 11 prongla nung Aami (June) 25 nungi 29, 2018 tashi amung.
Nagaland DISHA Board-i mapa inyakba atema Union Minister Tomar-i tenüngsang agütsü aser Nagaland nung rural development nung akokba tashi yariteptsü nangzük.