Governor Acharya-i Id-Ul-Zuha salem abener

Dimapur, Luroi (August) 21 (TYO): Nagaland Governor PB Acharya-i Nagaland nung alirtem dangi Id-Ul-Zuha salem aben aser loktiliba nung putepa aser adianutem ama alitsü tayongzükba agütsü.
Iba temeshi benjung ajanga loktiliba nung jungtepba aser putepa aliba tangatetba bentsür arutsü aser tesentaktep akangshitsü imlar, ta Governor Acharya-i ashi.
Id-Ul-Zuha dang Bakrid Id ta-a ajar aser alima nung kümshia Muslim nunger benjung tulu ana amungba rongnung ka lir.
Allah’er temoatsü ajanga asenok longjema aliba den tepela aser takok leni anitsü sarasademer, ta Acharya-isa shisem.