Dipa Karmakar artistic team finals nung shilem magitsü

Jakarta, Luroi/August 22 (Agencies): India tsür nüngtugu gymnast, Dipa Karmakar tanü temekok nung timtem adokba sülen artistic team final nung shilem magitsü telemtetba agiogo.
“La kanga mejungi yirutsüsa jenjang ka nung lir anungji lai junga masayatettsü. Onoki la team event nung masayadaktsüi anisüngzükdaktsütsü, saka lai (balancing) beam finals nungbo kanga junga asayatsü imlar,” ta Dipa indang coach Bisweswar Nandi-i ashi.
Beam finals nung shilem agiba ajanga la temokok nung kongshitsü mekongshitsü ta asüngdang dang Nandi-i, “balancing beam nung landing kangabo tashi agi masür anungji kecha timtem malitsü,” ta ashi.
Dipa-i jeba ‘podium practice’ mapang temokok alokba indang lemsatep aser team nung shilem magitetba küptoka balancing beam finals nung junga asayatsü merangtsü nangzük.
2016 küm Olympics nung vault category nung jenjang pezübuba nung tembangba sülen Dipa alima ajungai meteta aküm, saka taküm iba event nung la qualify dena masü.
“Podium training mapang kü temeokok alok aser ni junga masayatet. Ni iba atema kanga meranga training agiogo,” ta Dipa-i ashi.
Rio nung shilem tajung agiba sülen Dipa temekok yiruba ajanga masayateti liasü aser tawa-ang Mersin Turkey nung World Challenge Cup nung shilem agia liasü, kong lai vault nung gold medal kokteta liasü.
Taoba küm Mumbai nung Anterior Cruciate Ligament (ACL) surgery agiba sülen iba asayamung ya la asoshi mezüngbuba asayamung liasü.
Nandi-i ashiba agi, Depa qualify masüba sülen mesüngjemteti ajeb.
“Lai ashiba agi, vault ya la maitsü lir anungji tangari kechi ashitsü? Nia la dang aji la tai masü ta shiogo saka la kanga mepelai liasü. La yasüng chia mechiyong aser tang breakfast achitsüa nongnanger,” ta Nandi-i ashi.
la yiruba indang Nandi-i rasaa ashiba agi, “Tentonü landing asüba mapa lai temekok nung timtem aliba meteta aru. Idaki surface kanga takang lir aser Delhi nung practice asüdak kanga tanep lir koba ajanga jerk obsorb asür.
“Onoki IOA doctor den tongtepogo aser pai la anisüngzükdaktsütsü asoshi ashi ajida mesera tamajungba akümtsü.”