Mahatma Gandhi nem civilian award tematiba agütsütsü benok

New Delhi, Luroi/August 22 (Agencies): New York nung India Day Parade amungba mapang US Congresswomen Carolyn B Maloney-i “Gandhi-i anir parnok yimsüsür anema azü metokshi Satyagraha Movement tenzükba ajanga linük ka ajunga aser alima rangben ajungmeso,” ta ashi.
Pa mapa ya tushitsü tetemsü, anungji ni pa nem Congressional Gold Medal (US nung civilian award rongnung temaba) award agütsütsü asoshi legislation ka benoktsü.
India Global, director, Prasoon Sharma shiba Mahatma Gandhi azüngdak UCL, London & New York University for Global Public policy leadership program-i shimogo, pa International Ahmisa Foundation (IAF) mendenbuba Dr Neeta Jain-i jaokogo. Dr Neeta Jain aser Federation of Indian Association, US team-i iba legislation agizükdaktsütsü asoshi meranga inyakdar.
Prasoon Sharma-i ashiba agi, iba ya Mahatma Gandhi nem pa sor küm 150 ajungba nüngtem nung otsüsütsüsa tetushi agütsüba ka asütsü. Paisa, tanü limai Gandhi indang principle; azü metokshitsüba (non-violence) aser yimjung (peace) kanga nungdaker.