Pension Adalat workshop agitsü

Kohima, Luroi/August 23 (TYO): P & AR Department-i Rongjui/September 5, 2018 nü Administrative Training Institute (ATI), Kohima nung department balala nungi pension dak sendakba nung Accountant General’s Office den inyaktsü atema shima aliba Nodal Officers atema Pension Adalat indang workshop ka ayongzüka agitsü, ta tanü ketdangsertem osang ka ajanga metetdaktsü.
Anungji department ajak dang Nodal Officers tenüng den parnok Designation, Mobile Number aser Residential Address Luroi/August 29, 2018 anogo matongdangsa agüjang ta metetdaksüogo.
Iba dak alia Accountant General’s Office atema Nodal Officer ji Gazetted officer ka asutsüla. Departments shirnok indang Nodal Officers ji Gazetted officer level nung masü, parnoki Nodal Officers ji lateta aliba ama shimtsüla, ta kasa osang ajanga metetdaktsü.