Tsüngrem-i mulungba – Anitet 20:8-11

Asen mapang amshiba : Aser Pai parnok dang ashi, “Nenok azüngmeyakdaki pilaa arung, aser kenpika anisüngzükang kechiaser aika oli aruli ta liasü, aser parnok chiyongtsüa mapang maka. Mark 6:31.
Management company kati nisung arishi küm 75 nung mapang indokba yamai lemsa- mejangba mapang küm 23; mapa inyakba mapang, küm 19; asayaba mapang, küm 9; ainlen jajaba küm 6; chiyongba küm 6; line nung ataba küm 5; ki merük mejuba küm 4; chiyongtsü renemba küm 3; telephone nung jembiba küm 2; oset jaka shidak nung meyui bushiba küm 1; shiti aruba lapokba, ita 8; amenba, ita 6; tekülem ita 6; aser sarasadem nung anogo 19.
Asen Kibubai asenok asoshi anisüngzük aser Pa tenüng sanga anisüngzüka Pa den mapang indoktsü asoshi anogo ka balaka shitetta ayu. Khristai sarasademtsü aser anisüngzüktsü asoshi mapang balaka agi. Asenoki mapangji koma amshir reprangdangang. Sarasadem temtsünglen aser Lai bushiba keni mali. Mapang mali ta asenoki nemnemer. Tongtipang mapa masüba asoshi asenoki mapang agütsür. Asenoki Khrista inyakyimji anidakra, asenoki sarasademtsü aser Lai bushitsü mapang agitetta yutet.
Ajak dang alia, kodang asenoki Kümtetdakba den tejak o tejak na chitepa ajurutepdir, asenoki sarasadem aser Lai bushiba nung mapang indoktsü.
Temeim Khrista, Ne den onoki mapang indoktsü yariang. Amen.