Guwahati lodge nung apuani tasümang angu

Guwahati, Luroi (August) 27 (Agencies): Hombarnü Guwahati nung apuani ka lodge ka nung sür lia angu. Tanü nikongtsütsü 2:00 ako meta Basistha police-i Star Lodge nung mangtemji angu.
Tenaji Swarup Choudhury (40) aser Joya Choudhury (35) ta jangjaogo. Swarup ji takdang telung nung aliba fan nungi süngzü agi alenseta liasü aser Joya indang mangji yipden nung liasü.
“Tena Deobar aonung asüba asütsü. Star Lodge nung inyakertemi osang sangoktsüli onok tesem tonga ao aser apuani indang mang angu” ta Basistha Police Station officer-in-charge, Nabajit Barglary-i osangbener dang ashi.
Tena ya Chirang district kübok Bijni nungi lir, ta paisa ashi.
“Onoki bushisüngdang aodang, Swarup Choudhury-i mezüng pa kinungtsü tepset aser iba sülen pa süngzü agi alensetba ama ajiter, saka ibaji ano mejangjatet lir. Onoki maneni bushisüngdang südar” ta Barglary-isa shisem.
Iba tesem nung taitsü aketba oset kecha mangu, ta paisa ashi.