ATRPFM-i Manipur sorkar nem mapang latettsü

Imphal, Luroi (August) 29 (Agencies): Senapati, Churachandpur aser Tamenglong nung Autonomous District Councils (ADCs) inyaksangshi reprangshimtsü atema Cabinet-i Cabinet sub-committee tentetba meyipa agiang ta All Tribal Rights’ Protection Forum Manipur (ATRPFM)-i Manipur sorkar nem ghonda 48 latettsü.
ATRPFM-i Manipur Govenor Dr Najma A Heptulla nem tezülubaji agütsü aser la dang Cabinet-i ghonda 48 tsüngda iba telemtetba meyipa agitsü atema mapa inyakang ta ashi.
Sorkari iba mapa meinyakra parnoki lungkak aitba sentongtem ayonga agitsü ta Forum-isa shisem.
August 23 nü Tribal Affairs and Hills (TA & Hills), Government of Manipur nung Secretary-i Senapati, Churachandpur aser Tamenglong nung Autonomous District Council tem inyaksangshitsü reprangshimtsü atema State Cabinet-i Cabinet sub-committee ka tentetogo ta telemtetba agiba osang metetdaktsü.
Iba sülen züngsem trok agi akümba cabinet sub-committee ka tentet.
Linük Temzüng nung Arrla 371C kübok Manipur Legislative Assembly (Hill Areas Committee) order, 1972 nung Scheduled Matters nung No 2 ajanga district councils ji Hill Areas Committee kübok lir ta lateta lir, ta Forum-i ashir.
Autonomous District Council inyaksangshi reprangshimtsü atema Cabinet sub-committee ka tentetbaji ozüngi memelar, külen tsütsü bilemba aser bendanga amshiba inyakyim ka lir, ta parnokisa aitsür.