Hima Das indang kürakyanglu ka yanglutsü

Guwahati, Luroi (August) 29 (Agencies): Assam nungi asemer Hima Das’er yimtsüng Kandhulimari nung la indang kürakyanglu ka yanglutsü.
Lar yimtsüng ya Assam kübok Nagaon district nung lir aser yashi Assam Water Resources and Science and Technology and IT, Minister Keshab Mahanta-i Hima’er yimtsüng semdangdang iba osang metetdaktsü.
“La kidangi meyipa aruba sülen la sasa la indang kürakyangluji sayatsü. Iba ajanga la dang masü saka Assam nungi saisapongertem ajungmesotsü” ta Mahanta-i ashi.
Tang tasayadak Asian Games 2018 nung Hima Das 200 m womens semifinal nung disqualify asü saka la den külem asemtepertemi Mongulbar nikongtsütsü mixed 4×100 m relay final nung silver takok angu.
Hima Das den külemi India tenüng nung asemtepertemji Muhammed Anas Yahiya (23), Poovamma Raju Machettira (28) aser Arokia Rajiv nungertem lir.