Angati coaching agütsütsü sangdonger

Dimapur, Luroi/August 29 (TYO): Naga nunger Civil Services tatidang agütsütsü jangrartem atema Dimapur, District Administration, Commissionerate of Police Dimapur aser Dimapur Municipal Council longjemer Civil Services Exams atema Rongjui/Sept 15 nungi Luroi/Dec 15 tashi angati coaching agütsütsü, ta ketdangser sangdong ka ajanga metetdaktsü. Iba coaching camp nung mapa nung alir IAS, IPS, IFS aser NCS officers tem shisalen sayur asütsü. Tejangrartem shimdangba sülen nisung 20 shimtsü aser Circuit House, Dimapur nung class tem agitsü.
Ajungji tsünglanglen agüja aliba qualifications alir tejangrartemi https://drive.google.com/open?id= 1L6DRQaYBJNrFVaqBd8YSn2So1zQLpiB nungi form download süa apply sütettsü mesera Luroi/August 30 nü nungi tenzüka Rongjui/Sept 5 nü tashi nung Dimapur Municipal Council (DMC) office, office hours mapang nung arua form meshitettsü.
Maneni form tem DMC offic nung agütsütettsü mesera studygroup.dmp@gmail.com ajanga mali sütettsü. Form agütsütsü asoshi tatembangbuba anogoji Rongjui/Sept 10, 2018 asütsü, ta kasa sangdong ajanga metetdaktsü.
Qualification:- UPSC Mains Exams khenbo ajanger alitsüla mesera NPSC Viva Voce khenbo tonger alitsüla.