LKM senden Rongjui 1 nü akatsü

Dimapur, Luroi/August 29 (TYO): Langpangkong Kaketshir Mungdang medenti ajanga Rongjui/September 1, 2018 anogo anepdang 9:30 ako nungi tenzuka sanen Luden senden ka LKM Conference Hall, Chuchuyimlang nung amentsü sangdong ka ajanga metetdaktsüogo.
Tongtipang nungdak aser maparentem asoshi jempitsü alinung yimtsüng shia nungi president, executive aser seniortem ajak iba senden nung medema arua adentsü asoshi kasa sangdong ajanga mepishia metetdaktsü.
Kasa anogo nungsa 32 Buba LKM lokti senden aser saisapong sentong 2019 asoshi Planning Committee purtema senden ayongzüka alinung, züngsem ajaki aria bilema senden nung arua adentsü asoshi LKM, General Secretary, Imtisungkum Lemtur-i kasa sangdong ajanga mepeshia metetdaktsü.