NRAI 1buba lokti senden nung Governor aden

Dimapur, Luroi/August 29 (TYO): Nascent Research Association of India (NRAI) indang 1buba lokti senden ka Directorate of Student Affairs in SRM Institute of Science and Technology, Kattankulathur, Chennai den longjemer Nascent Research Association of India ajanga Luroi/August 25, 2018 nü ayongzüka kaogo aser iba sentong ya Nagaland Governor, Padmanabha Balakrishna Acharya aser pa kinungtsü nati moatsü.
Iba senden nung SRMIST Vice Chancellor Dr. Sandeep Sancheti, SRMIST CEO Dr. Ponnusamy, ex-Director General of Police Dr. R. Nataraj, IPS, Reva University Adjunct Professor Dr. Ashok Gopalakrishnan, NEIWAC tir Wapangtoshi Longkumer, aser HR-Flexi Proprietor M Vijaybalaji nungertema arua aden.
Iba Association ya Aviroop Mukherjee ajanga tenzükba lir aser pa den co-founder ti longjemer Scientific domain trok aser Non-Scientific domain trok asishi inyaker. Iba telok ya research patron Dr. Dharmasa Pawar aser Dr. C. Jayalakshmi nati len anir.
Iba sentong nung adenertem Aviroop Mukherjee-i pelashishia agizüka sentong tenzük aser co-founder Soumyajyoti Dey-i iba Association indang rasaa ashi. Iba sülen Board Member tem mapa nung anioka aser Vice Chancellor-ia o jembia liasü.
Iba mungdang lapokba sentong nung Dr. R. Nataraj-ia jembi aser tongti tesemdanger, Governor PB Acharya-i jembia mezüng sentong tembang.
Iba mundang shibangba sentong nung tanga tejaoker balala tem den Wapangtoshi-ia jembi.
Kasa sentong nungsa Biomedical, Biotechnology aser Genetic Engineering nung Junior Scientist temi meranga inyakba asoshi Special Research Award Ceremony agia sempet agüja liasü.