Lt. Gen. Chauhan-i CFMG chairman mapa inyaker

Kohima, Luroi (August) 29 (TYO): Taoba Director General of Assam Rifles, Lt. Gen. (retd) Shokin Chauhan-i Cease Fire Monitoring Group (CFMG), Nagaland nung Chairman inyaktsü tenzükogo.
August 9 nü D K Pathak-i kümsük tembanga inyakba sülen August 16, 2018 nü retired general officer Lt Gen Chouhan chairman inyaktsü shim, ta Staff Officer of CFMG T Mere-i ashi.
Centre sorkari tuyuba ama Lt Gen Chouhan indang kümsükji küm ka atema asütsü.
Naga yimten teloktem, civil societies aser State sorkari Indo-Naga yimten ken o angatettsü atema kanga yongya aliba mapang ka nung Lt Gen Chouhan-i ceasefire ground rules ketdangsüa reprangtsü.
Yaküm September ita Naga nationalist political groups 6-i Centre den olemtep tenzükogo.